Lionel Messi ka dëshirë të madhe që Gonzalo Higuain t’i bashkohet e Barcelona.
Mediat spanjolle kanë raportuar se sulmuesi i Napolit është shënjestra kryesore e trajnerit Luis Enrique për fazën ofensive.
Vet lojtari është shprehur i gatshëm që të kalojë në Camp Nou, edhe pse klubi i tij e ka mohuar një mundësi të tillë.
Tash Leo Messi thotë se do t’i pëlqente që ish-sulmuesi i Real Madridit t’i bashkohej atij edhe te klubi.
“Do të doja që Higuain të vijë te Barca. Ai do të na jepte shumë”, ka deklaruar argjentinasi kur është pyetur për bashkëkombësin e tij.
